The Monkees

The Monkees
Bazaj informoj
Deveno	Usono
Ĝenroj	Rok-muziko; Popmuziko; Kontreo; Psikedela roko
Aktivaj jaroj	1966–1971
Eldoninto	Colgems (Usono); RCA Victor (ekster Usono); Bell; Arista; Rhino
Parencaj; temoj	Michael Nesmith and the First National Band; Dolenz, Jones, Boyce and Hart; The New Monkees
Retejo	www.monkees.com
Membroj
	Micky Dolenz (1966–1971); Davy Jones (1966–1971); Mike Nesmith (1966–1970); Peter Tork (1966–1969)
	v • d • r

The Monkees (pron. [ðə ˈmʌːŋkiz]; anglalingve misliterumata formo de monkeys, signifanta „la simioj“) estas usona pop-rok-muzika bando kreita de la televida industrio en 1966 por kapitaligi la popularecon de The Beatles ktp. Ili rolis en samnoma televida programo 1966-1968, kaj daŭrigis registri muzikaĵojn ĝis 1970. En 1971 ili formale malfondiĝis, sed poste plurfoje rekuniĝis. La kvaropo konsistis el tri usonanoj (Micky Dolenz, Mike Nesmith kaj Peter Tork), kaj anglo Davy Jones. Inter iliaj internacie konataj kantoj estas "(temo el) The Monkees", "Last Train to Clarksville", "I'm a Believer", "(I'm Not Your) Steppin' Stone", "Pleasant Valley Sunday" kaj "Daydream Believer". Vendiĝis tutmonde pli ol 65 milionoj da ekzempleroj de iliaj sonregistraĵoj.^[1]